Sanda donu le ka Mɔgɔfin kuma tɔ!
I ni pirinte fɔlɔ lasaga, i ni a fɛlɛ ka i ka sanda lɔn a be min yitaren.
Anun, kɛ sandanu be fen de fɔren ba?
Sulemani Yandoba le ka pirintenu ɲiɲa.
Kondeŋɛ le ka kele sa kayiba bɔra te tɔ,
kayiba ka a bɔra te sabaa, konden kele teta.
Ka i ka fondo kayanma yen kila tɔ,
i ma a kuŋɛ yen, i ma a fɔɲɛ yen,
i ni a botege a tɛma, a si a kuŋɛ labɔɔ le.
I te tanga boee min kɔla,
i kana a to susenu ni a yegelen.
I kana i bolo tɔ yɛgɛ boloka i kɛn tɔ yɛgɛ la ko la.
Suluku te suluku to.
Ka i ka a yen doe ka doe to,
doe bɔɔta birinba le la.
I la fofiya lɔgɛ kolo n na bele nɔnbɛ ko,
kɔnɔ n na bele deŋɛ kolo i la fofiya deŋɛ ko.
Kɔrɛ mɛta koloŋɛ tɔ kiyoki, fɔ a ni fɛ.
Ninge ka boee kɛ a fɔɲɛ tɔ.
Kɔɔbɛ surunta fata min tɔ, jala sɔlanu te sɔ ɲɔ.
I te je sori saga la.
Ningi ɲatɔ sɔlá te ji dunde min.
Lɔgɔ bala te du,
lɔgɔ dureŋɛ balareŋɛ te telen.
Ka anu be i kɔɛ yoosila,
ile tugun ni i boe yosi.
Suse be woosiren,
kɔnɔ mɔgɔ ma a lɔn a ye.
Sanu kende be yongiren wulu fata tole la;
i si fen de ma han i ni nɔ wo sanuɛ bɔɔla, wule ma i kin?
Bɛki tɛsɛŋɛ te sɛnbɛ.
Jule be ninge bina tige le ɲiniren.
Mɔgɔ te nɔ a kan kɔma yiti burundula.
Ka i donta batá butɔ,
i tirin dula yo bele.
Sita si ŋaɲa wolo le.
Tɛma kɔniŋɛ be yolobiren a tige la,
i mɛn di do julu a da la?
Kayiba ɲagalin da te ta lafe.
Buuma musu fila te nɔ ɲɔgɔn banbala.
Mɔgɔ te yɛlɛ tuge kanna, samata be i kɛŋɛ tɔ.
I te yɛgɛ tɛgɛ, i ma je tɛgɛ.
Bolo solin dɔndɔ si dendele faga,
kɔnɔ a te a jigan.
Wule lɔnná le si kole bɔɔ a da tɔ.
Ka bolo kayanma mɛta bɔɔla han,
a bɛnta bolo wutuma tugun ni bɔɔ.
Ka naniŋɛ ka dendeŋɛ sɔgɔ,
i be a bɔɔla naniŋɛ le la.
Tugu kuŋɛ te banba, a te latebbi.
Baagi nɔnbɛ bata kila takuntu.
Kila kɔnkɔrɔnta kiyoki, fɔ a ni don saa tɔ.
Bantilan si kun nasogi le.
Konden siyama le gabataŋɛ kulɛ kolo.
Kɛŋɛ be duge tɔ, kaa be duge tɔ,
a mɛta kiyoki fɔ anu ni bɛn.
I te tayore fila bee wantɛmu dɔndɔ.
N be nɔnbɛ min tɛgɛla, ile bele wolo sabaala.
Lɔgɔ kunte mɛta kiyoki je tɔ,
a te ma banba la.
Ka i ka je kɔtɔ fɛlɛ, i te a min.
I niiniŋɛ si i jokki.
Wule te laa i ka a bali,
fɔ i tini bolo ko je sa a ma.
Susu da bele muru mɛlɛŋɛ la ko tɔ.
Sɛrɛnbaga fila te ɲɔgɔn natɛgɛ sala kunma.
Kanka lɔgɛ le mu,
a niiniŋɛ te sɔ a kutu kɔtɔ.
Kaa te botege bole la, a si i kin de.
Wɔlɛ keuyata suse mawutundula le.
